An àireamh de thachartasan cunnartach air bòrd nan itealan air a dhol suas

Tha fiosrachadh bhon CAA a' sealltainn gu bheil an àireamh de thachartasan cunnartach air bòrd phlèanaichean na dùthcha air a dhol an àird. An uiridh chaidh 386 a chlàradh an taca ri dìreach 85 ann an 2013. Dè a tha air cùlaibh an àrdachadh seo agus a bheil dòigh ann air na h-àireamhan a lùghdachadh airson sàbhailteachd an luchd-siubhail?

Aig toiseach na mìos a tha romhainn, cluinnidh sinn cò a fhuair an duais bhliadhnail, Duais Dhòmhnaill Mheek, a tha 's a' toirt seachad airson sgrìobhadh ùr Gàidhlig. Gheibh sinn a-mach mu na buannachdan a tha a' tighinn an cois duaisean litreachais.

Chaidh a' film ùr A United Kingdom fhoillseachadh an t-seachdain 'sa chaidh aig Fèis Filmichean Eadar-Nàiseanta Thoronto. 'S ann mu bheatha agus sgeulachd gaoil Seretse Khama, duine dubh à Bechuanaland ann am Botswana ann an Afraga a Deas agus an Sasannach Ruth Williams a tha a' film. Dh'adhbharaich an càirdeas eadar duine dubh is boireannach geal aimhreit eadar teaghlaichean agus saoghal poilitigs na h-ama. Tha Murchadh Peutan, a bha uaireigin a' fuireach ann an Afraga a Deas, air a bhith a' rannsachadh eachdraidh na sgeòil. bbc.co.uk/coinneach.