Ulan Bator gu Bayangobi

Ann an 2007 ghabh Maureen NicLeòid an turas trèana ainmeil eadar a' Ruis agus Sìona, air an Trans-Mongolian Railway. Dh'fhalbh i à Moscow agus i a' dèanamh air Beijing, a' stad ann an iomadach àit' air an t-slighe, agus shiubhail i 9000 cilemeatair ann a naoi là deug, le seachd là dhen a sin air an trèana. Na cois, thug i leatha inneal-clàraidh airson cuimhne a chumail air a turas. Choinnich i luchd-turais às a h-uile ceàrnaidh dhen t-saoghal agus chunnaic i seallaidhean iongantach . A seo tha i a' tarraing dealbh dhuinn air na chunnaic, na chuala, na bhlais i agus na dh'fhairich i air a cuairt.

Sa phrògram sa tha Maureen a' fàgail Ulan Bator airson tadhal air campa traideasanta ann a Bayangobi, far a bheil luchd-siubhail na dùthcha a' fuireach an a 'ger' neo 'yurt'. Tha an dòigh-beatha a' toirt buaidh mhòr oirre leis gu bheil e cho buileach eadar-dhealaichte. Tha fois agus sàmhchair an àite agus cho cudromach agus a bha, agus a tha, eich dhaibh gu h-àraid follaiseach dhi.