Felly, rydych chi eisiau bod yn gyfansoddwr!
Beth sydd ei angen mewn gwirionedd i greu gyrfa fel cyfansoddwr proffesiynol? Gwyliwch drafodaeth y panel a chlywed syniadau gan ffigurau blaenllaw yn y diwydiant cerddoriaeth.
What does it really take to build a career as a professional composer?
Watch the panel discussion and hear insights from leading figures across the industry.
Yn y drafodaeth hon o Cyfansoddi: Cymru 2026, mae ffigurau blaenllaw o bob rhan o’r diwydiant cerddoriaeth yn rhannu cyngor ymarferol a gwybodaeth bersonol am y broses o greu gyrfa mewn cyfansoddi, o ysgrifennu gwaith newydd at ei baratoi ar gyfer perfformio, cyhoeddi, recordio a’r tu hwnt!
Mae’r sgwrs yn ystyried y camau niferus sy’n gysylltiedig â dod â darn o gerddoriaeth yn fyw, yn ogystal â realiti ehangach gweithio fel cyfansoddwr heddiw. Mae’r pynciau’n cynnwys cydweithio â cherddorfeydd a pherfformwyr, delio â’r byd cerddoriaeth proffesiynol, cyhoeddi, recordio, datblygu gyrfa, a’r sgiliau sydd eu hangen ar gyfansoddwyr y tu hwnt i’r dudalen.
Gyda safbwyntiau gan gyfansoddwyr, arweinwyr, cynhyrchwyr, cyhoeddwyr, staff cerddorfaol a sefydliadau celfyddydol, mae’r drafodaeth hon yn cynnig cipolwg gwerthfawr i gyfansoddwyr sy’n dod i’r amlwg, ac unrhyw un sydd â diddordeb yn y byd cerddoriaeth heddiw.
Panel
George Lee – Pennaeth Cynhyrchu a Chynllunio Artistig Cerddorfa a Chorws Cenedlaethol Cymreig y BBC (Cadeirydd)
Gavin Higgins – Cyfansoddwr a Chyfansoddwr Cysylltiedig gyda Cherddorfa Genedlaethol Gymreig y BBC
Jac van Steen – Arweinydd
Antony Smith – Rheolwr Gyfarwyddwr, Lyrita Nimbus Arts
Ben Hogwood – Naxos Global
Naomi Roberts – Llyfrgellydd gyda Cherddorfa a Chorws Cenedlaethol Cymreig y BBC
Ethan John Davies – Rheolwr Cyhoeddi ac Ymchwil gyda Tŷ Cerdd
Recordiwyd yn Stiwdio Grace Williams, Neuadd Hoddinott, yn ystod Cyfansoddi: Cymru 2026.
