حنان حبيبزى بلخ

	راه نجات ورځپاڼې د روژې دګټو په اړه ليکلى دي

د هيواد دولتي ورځپاڼې فرانسې ته د ولسمشر حامد كرزي سفر ارزښتناك بللى او ليكلي يې دي چې د فرانسې مشرانو افغانستان ته خپلې ژمنې نوې كړې .
ورځپاڼې له پارلماني ټولټاكنو وروسته دا د ښاغلي كرزي لومړنى بهرنى سفر ګڼلى چې لاسته راوړنې يې هم درلودې..

هيواد د ښاغلي كرزي سفر فرانسې ته ددواړو هيوادونو د اړيكو د غښتلتيا لپاره ستر پرمختګ بللى او وړانديز يې كړى چې د افغانستان چارواكي په هيواد كې د ټيكاو د رامنځته كولو لپاره وار له مخه د فرانسې په څير هيوادونو سره خپل اړيكي نور هم ټينګ كړي .

دافغانستان ورځپاڼې  که د ټاکنو په اړه د شکاياتونو اوسنى حالت روان وساتل شي خلك به په افغانستان كې پر سياسي بهير خپل باور له لاسه وركړي ملي ارمان

د ملي ارمان ورځپاڼې د ټولټاكنو له دفترونو څخه د خلكو شكايتونه راخيستي او ليكلي يې دي چې د دغو دفترونو له كړنو څخه د ګوتنيونكو شمير ورځ په ورځ مخ په زياتېدو دى .

د مطلب ليكوال ځانګړې بيلګه نه ده وړاندې كړې خو ټينګار يې كړى چې كه اوسنى حالت روان وساتل شي خلك به په افغانستان كې پر سياسي بهير خپل باور له لاسه وركړي .

ملي ارمان وړانديز كوي چې چارواكي دې د خلكو شكايتونو او نيوكو ته پام وكړي كه نه نو د افغانستان راتلونكى پارلمان به حقوقي او قانوني مشروعيت ونه لري .

د راه نجات ورځپاڼې بيا د روژې ګټو او روژې نيولو ته په يوه مطلب كې كتنه كړې او هڅه يې كړې چې د روژې ګټې د انسان روغتيا او د ټولينزو اړيكو په نژدې والي كې وڅيړي .

او د اصلاح ورځپاڼې ليكلي دي چې اوس مسلمانو او هم نامسلمانو روڼ اندو او د نظر خاوندانو د روژې پر ګټو باور پيدا كړى دى . ورځپاڼې ليكلي دي چې افغانان په داسې حال كې ددې مياشتې د شرايطو پر عملي كولو بوخت دي چې هيواد يې د پرمختګ ساه اخلي .