ژوندۍ پاڼه, د ایران لخوا د بریدونو بندولو له خبرداري سره سره اسرائیلي پوځ د لبنان پر صور ښار هوايي بریدونه کړي

ژوندی پوښښ

1. ۱۵ دقیقې وړاندېټرمپ وايي، ایران امریکايۍ چورلکه ویشتلې او د ځواب ويلو ګوتڅنډنه یې کړې

   

   د عکس سرچینه، Getty Images

   د امریکا ولسمشر ډونلډ ټرمپ وايي، هغه ته ويل شوي چې ایران تېره شپه امریکايۍ چورلکه ويشتلې ده.

   نوموړي پر خپلې ټولنيزې رسنۍ ټروت سوشل يوه پوسټ کې ويلي، "زموږ د ستر پوځ له خوا ما ته خبر راکړل شو چې تېره شپه ایرانيانو زموږ له پرمختللیو اپاچي چورلکو یوه د هرمز تنګي د ګزمې پر مهال ويشتلې ده".

   د امریکا ولسمشر په وینا، په چورلکه کې دوه پيلوټان وو چې له پېښې ژوندي وتلي دي.

   هغه زياته کړې، "امریکا به د دې برید ځواب ورکړي".

   له دې وړاندې د امریکا مرکزي قوماندې (سېنټکام) د اپاچي چورلکې د غورځېدو په اړه خبرپاڼه کې ويلي وو، چورلکه د عمان په ساحل کې پرېوتلی او دوه امریکایي پيلوټان ژغورل شوي دي.

   سېنټکام ويلي وو، پېښه داسې مهال رامنځته شوې چې چورلکې "ګزمه" کوله.

2. ۵ ساعتونه وړاندېټرمپ د نظام بدلون ژمنه کړې وه، خو پرځان د ایران باور زیات شو, جیریمي بوین

   د یادونې وړ ده چې کله دا جګړه د فبرورۍ پر ۲۸مه پیل شوه، په څه ډول نظر ورته کتل کېدل. دواړو، ډونلډ ټرمپ او بنیامین نتنیاهو پوځي اقدام په تاریخي بڼه وړاندې کړ.

   نتنیاهو ویلي وو چې ده د خپل ټول سیاسي ژوند په اوږدو کې دغه فرصت ته انتظار کاوه، چې د هغه څه پر وړاندې ودرېږي چې دی یې د اسرائیلو تر ټولو لوی دښمن بولي او بالاخره یې د امریکا یو داسې ولسمشر وموند چې د ده ملاتړ ته چمتو دی.

   داسې معلومېده، چې ټرمپ ګومان کاوه په چټکۍ سره یو بری کېدای شي او ایرانيانو ته یې ویلي وو چې هغه شېبه رانږدې ده چې دوی به وکولای شي خپل هېواد بېرته ترلاسه کړي.

   خو له دې هېڅ یو هم رامنځته نه شو. برعکس، ایران له نوې رهبرۍ سره را څرګند شوی دی. دا د نظام هغه بدلون نه دی چې ټرمپ یې ادعا کړې وه.

   که څه هم ډېری لوړپوړي مشران وژل شوي، خو د هغوی ځای نوې نسل نیولی دی. دوی لا هم په ژور ایډیالوژیک فکر سمبال دي، خو داسې ښکاري چې د پخوانیو مشرانو پرتله لږ احتیاط کوي.

   د جګړې پر مهال د رامنځته شویو بدلونونو له امله د دوی باور او اعتماد هم زیات شوی، په ځانګړي ډول د هرمز تنګي له لارې د کښتيو د تګ راتګ د ګډوډولو اغېز.

   دا بدلون د سیمې بڼې له سره بدلولو کې مرسته کوي. داسې ښکاري چې د اوسني بېرته ګرځول ستونزمن، او ښايي ناشوني وي.

   د دې پایلې یوازې په ایران او اسرائیلو پورې نه محدودېږي، بلکې د خلیج پر ډېرو هېوادونو اغېز کوي. داسې هېوادونه لکه متحده عربي امارات، چې اقتصاد یې له ثبات سره تړلی دی، لا له وړاندې د دې جګړې د ګډوډۍ له امله د پاموړ زیانونه لیدلي دي

3. ۶ ساعتونه وړاندېد ملګرو ملتونو عمومي منشي وايي، منځني ختیځ کې د تازه تاوتریخوالي زیاتېدو ته ژوره اندېښنه لري

   

   د عکس سرچینه، Reuters

   د ملګرو ملتونو عمومي منشي انتونیو ګوتېرېش وايي، په منځني ختیځ کې د تاوتریخوالي بیا زیاتېدو له امله "ژوره اندېښنه" لري.

   نوموړي پر اېکس یوه پیغام کې غوښتنه کړې چې "ټول بریدونه" دې "سملاسي" ودرول شي، او زیاته کړې یې ده چې په لبنان، ایران او غزه کې اوربندونو ته باید "په بشپړه توګه درناوی" شي.

   هغه زیاته کړه:

   "د منځني ختیځ شخړو ته هېڅ پوځي حل لاره نه شته. د مخکې تلو یوازینۍ لار د خبرو او مذاکراتو له لارې ده."

   ګوتېرېش په پای کې له "ټولو اړخونو" وغوښتل چې د داسې دیپلوماتیکو حل لارو لپاره کار وکړي چې د سیمې او نړیوالې سولې او امنیت ته وده ورکړي.

4. ۶ ساعتونه وړاندېد لبنان روغتیا وزارت وایي، له مارچ میاشتې راهیسې ۳زره ۶۶۶ کسان وژل شوي

   د لبنان دولتي خبري اژانس د دغه هېواد د عامې روغتیا وزارت له قوله وايي، د اسرائیلو او حزب‌الله ترمنځ د جګړې له پیل راهیسې ټولټال ۳,۶۶۶ کسان وژل شوي او ۱۱,۳۲۱ نور ټپیان شوي دي.

   دغه تازه شمېرې د مارچ له ۲مې تر جون تر ۹مې پورې موده رانغاړي، او دا شمېر د هغو پخوانیو راپورونو پرتله لوړ دی چې د دوشنبې پر ورځ خپاره شوي وو. په هغه راپور کې ویل شوي وو چې ۳,۶۳۷ کسان وژل شوي او ۱۱,۱۸۸ نور ټپیان دي.

5. ۸ ساعتونه وړاندېرپوټونه وايي، کېدای شي د ایران مخکیني مذهبي مشر د جنازې مراسم په جون میاشت کې وشي, غونچه حبیبي ازاد-بي بي سي فارسي څانګه

   ایراني رسنیو د دغه هېواد مخکیني مذهبي مشر د جنازې په اړه نور جزئیات خپاره کړي.

   ایراني رسنیو د ایران د وژل شوي مذهبي مشر ایت الله علي خامنه‌يي د جنازې د مراسمو په اړه نور معلومات خپاره کړي او د تنظیموونکو له قوله یې راپور ورکړی دی.

   ایت الله خامنه‌يي د فبرورۍ پر ۲۸مه، د جګړې په لومړۍ ورځ، هغه مهال وژل شوی و، چې اسرائیلو او امریکا پر ایران برید وکړ. تر اوسه ایران د هغه د جنازې او خاورو ته د سپارلو مراسم نه دي ترسره کړي. د مارچ په لومړیو کې د هغه زوی، مجتبی خامنه‌يي، د نوموړي ځای ناستی شو.

   تنظیموونکو ویلي چې د جنازې مراسم به د اسلامي کال د لومړۍ میاشتې له لسمې ورځې وروسته ترسره شي، چې تمه ده د جون له ۲۵مې یا ۲۶مې سره برابر شي.

   ایراني رسنیو مخکې راپور ورکړی و چې د جنازې مراسم به په تهران، د قم په سپیڅلي ښار او وروسته د ایران په شمال ختیځ کې په یوه بل سپیڅلي ښار مشهد کې ترسره شي، چې د خامنه‌يي د زېږېدو ځای دی او هم هلته به خاورو ته وسپارل شي.

   د امنیتي اندېښنو له امله، چې له جګړې سره تړاو لري، د هغه د جنازې او خاورو ته سپارلو پلانونه څو ځله ځنډول شوي دي. راپورونه دغه راز وايي چې په تهران کې د هغه په استوګنځي د برید له امله څو لوړ پوړي پوځي قوماندانان هم وژل شوي دي.

6. ۸ ساعتونه وړاندېلبناني رسنۍ: پر صور ښار د اسرائیلو برید کې اته کسان وژل شوي

   د لبناني دولتي خبري اژانس راپور کې د لبنان د روغتیا وزارت په حواله ویل شوي چې د اسرائیلو د هوايي برید له امله په صور ښار کې اته کسان وژل شوي دي.

   په یوه بیان کې ویل شوي چې د ورانو شویو ودانیو کنډوالو د پاکولو کار لا هم روان دی، او ۳۲ نور کسان ټپیان شوي دي.

7. ۸ ساعتونه وړاندېد امریکا سفیر وایي، د اسرائیل او لبنان ترمنځ به خبرې دوام ومومي

   په بیروت کې د امریکا سفیر میشل عیسي وايي، سره له دې چې د دواړو هېوادونو ترمنځ اوربند لا هم له ستونزو سره مخ دی، تمه کېږي، چې ''ژر'' به د اسرائیل او لبنان ترمنځ په واشنګټن کې خبرې دوام وکړي.

   د جون پر ۳مه نېټه وروستۍ خبرېد اسرائیل او لبنان ترمنځ د اوربند د نوي کېدو لامل شو، خو هغسې چې راپورونه وايي،بریدونه لا هم دوام لري.

   میشل عیسی د دوشنبې پرورځ په بیروت کې د لبنان له ولسمشر جوزف عون سره وکتل. له دې لیدنې وروسته د امریکا سفیر وویل،له وروستي پوځي تاوتریخوالي سره سره به خبرې بیا پيل شي او ولسمشر عون ته یې ویلي چې خبرې «په سمه لار روانې دي».

   وروسته ښاغلي عیسی رسنیو ته وویل:

   "موږ داسې پړاو ته رسېدلي یو چې بېرته تګ نه لري، یخیمات شوی دی،او موږ به لبنان سره مرستوته دوام ورکړو، چېله خپل کړکېچه ووځي."

   بلخوا، ولسمشر عون پرون د (سي این این) لخوا خپرو شویو څرګندونو کې وویل چې روانې خبرې له اسرائیل سره د نه برید تړون پر رامنځته کولو تمرکز لري، او له هغې وروسته به "عادلانه او هر اړخیزه سوله" تعقیب شي.

   

   د عکس سرچینه، Reuters

8. ۱۹ غبرګولی ۱۴۰۵ - ۹ جون ۲۰۲۶حزب الله وايي، پر هغو اسرائیلي پوځیانو یې بریدونه کړي، چې د لبنان په سویل کې یې د پرمختګ هڅه کوله

   حزب‌الله وايي، د دوشنبې په شپه یې په سویلي لبنان کې پر هغو اسرائیلي ځواکونو توغندي توغولي چې د پرمختګ هڅه یې کوله.

   حزب‌الله پر ټیلیګرام یوه تازه خپاره‌شوي پیغام کې ویلي، اسرائیلي ځواکونه هڅه کوله چې د بیاضه له ښارګوټي د بیت‌السید پر لور مخکې لاړ شي، خو د “پرلپسې‌ توغندیزو بریدونو” له امله شا ته تګ ته اړ شول.

   اسرائیل تر اوسه د دغې نښتې په اړه څه نه دي ویلي، خو پوځ یې په سویلي لبنان کې ځمکنۍ عملیات پر مخ بیايي، چې د دوی په وینا موخه یې دا ده چې حزب‌الله د اسرائیل پر شمالي سیمو له بریدونو منع کړي.

9. ۱۹ غبرګولی ۱۴۰۵ - ۹ جون ۲۰۲۶د لبنان په صور کې د هوايي بمبارۍ تصویرونه

   

   د عکس سرچینه، AFP via Getty Images

   د لبنان له صور ښاره رسېدلي تصویرونو کې هوايي بمبارۍ لبدل کېږي. د لبناني رسنیو په رپوټونو کې هم ویل شوي، چې نن ګهیځ اسرائیلي ځواکونو پر دې ښار بمبارۍ کړې.

   دا بریدونه له هغه څو ساعته وروسته شوي، چې اسرائیلو د دې ښار او شاوخوا اوسېدونکو ته وویل، سملاسي باید له خپلو کورونو ووځي او په شمال کې د ظهراني سیند پر لور لاړ شي.

   د لبنان دولتي خبري اژانس (این این اې) په رپوټ کې ویل شوي، اسرائیلي جنګي الوتکو په صور کې ''درنې بمبارۍ'' کړې.

   اسرائیل دفاعي تر اوسه په دې سیمه کې د بمبارۍ پخلی نه دی کړی.

10. ۱۹ غبرګولی ۱۴۰۵ - ۹ جون ۲۰۲۶ټرمپ هرمز تنګي کې د چورلکې غورځېدو په تړاو وايي، 'پیلوټان خوندي دي'

    د متحدو ایالتونو ولسمشر ډونلډ ټرمپ هرمز تنګي ته نږدې د امریکايي پوځ یوې اپاچي ډوله چورلکې غورځېدو پېښې په هکله ویلي، پیلوټان یې روغ او خوندي دي.

    ښاغلي ټرمپ چې جان ایف کینیډي نړیوال هوايي ډګر کې یې واشنګټن ته تر ستنېدو مخکې خبرې کولې، وویل:

    ''هېڅوک نه دي ټپي شوي.''

    هغه زیاته کړه چې د امریکا حکومت به د سې شنبې په ورځ د دې پېښې په تړاو راپور خپور کړي.

    نیویارک ټایمز ورځپاڼې پرون ناوخته د دوومعلومات لرونکو سرچینو له قوله راپور ورکړی و چې د امریکا د پوځ یو اپاچي ډوله چورلکه هرمز تنګي ته نږدې غورځېدلې او د عملې کسان یې ژغورل شوي دي.

    راپور کې ویل شوي چې تر اوسه څرګنده نه ده چې دا چورلکه د ایراني ځواکونو د ډزو له امله وغورځېده که تخنیکي ستونزه وه او یا د بل علت له امله سقوط کړی دی.

11. ۱۹ غبرګولی ۱۴۰۵ - ۹ جون ۲۰۲۶ټرمپ: د یوهخورا ښه توافق په وروستیو پړاوونو کې یو

    د امریکا ولسمشر ډونلډ ټرمپ د سې شنبې په ورځ وویل، دوی د منځني ختیځ سولې موافقې ته د رسېدو په"وروستي پړاوونو" کې دي.

    ولسمشر ټرمپ د این بي اې له پایلوبې د ستنېدو پر مهال خبریالانو ته وویل: "موږ یوهډېر ښهتوافقته د رسېدو په وروستیو پړاوونو کې یو."

    له هغه وپوښتل شول چې دا به څومره ورځې یا اونۍ وخت ونیسي، ښاغلي ټرمپ وویل،دا به "دوېیا درې ورځې" وخت ونیسي.

    له دې مخکې په ملګرو ملتونو کې د ایران سفیر امیر سعید ایرواني تائید کړه چې هېواد یېلهمتحده ایالاتو سره د احتمالي موافقې د متن نهایی کولو په اړه خبرې کوي.

    هغه هیله څرګنده کړه چې دا خبرې به بالاخره د روانې جون میاشتې تر وروستیو پورې پای ته ورسیږي.

12. ۱۹ غبرګولی ۱۴۰۵ - ۹ جون ۲۰۲۶ټرمپ وايي پنځو هېوادونو ترې غوښتي وو چې پر نتنیاهو د بریدونو درولو لپاره فشار راوړي

    د امریکا ولسمشر ډونلډ ټرمپ له اکسيوس رسنۍ سره په يوه مرکه کې ويلي، د منځني ختيځ پنځو هېوادونو ورسره اړيکه نيولې وه او غوښتنه یې ترې کړې وه چې د بریونو درولو لپاره د اسرائیلو پر لوړي وزير فشار راوړي.

    اکسيوس د ډونلډ ټرمپ له خولې ليکلي، "دا هېوادونه ډېر اندېښمن وو. دوی د هغه تړون پلوي دي چې موږ یې په اړه خبرې کوو".

    د اکسيوس او اسرائیلو ۱۲ کانال په وینا، ښاغلي ټرمپ همدا ډول ادعا کړې ده چې حکومت یې د دوشنبې په سهار له ایرانه پيغامونه ترلاسه کړي وو چې په هغو کې تهران په دې شرط چې اسرائیل هم بریدونه ودروي د توغنديو درولو لپاره چمتووالی ښودلی و.

    "[ایران] موږ ته زنګ وواهه او ویې ويل چې دوی به نور بریدونه ونکړي او له موږ یې وغوښتل چې اسرائیلو ته د بریدونو درولو ووايو".

    دا څرګندونې په داسې وخت کې مخې ته راځي چې ټرمپ په دې وروستيو کې په وار وار د ایران او اسرائیلو تر منځ د شخړې د زياتېدو د مخنیوي پر اړتيا ټينګار کړی او پر دواړو غاړو یې غړ کړی چې د خبرو اترو له لارې موافقې ته ورسېږي.

13. ۱۹ غبرګولی ۱۴۰۵ - ۹ جون ۲۰۲۶د تهران هوايي ډګر د الوتکو پر مخ پرانيستل شوی دی

    

    د عکس سرچینه، Getty Images

    د ایراني رسنیو په وینا، د تهران د امام خمیني نړیوال هوايي ډګر کې الوتنې بيا پيل شوې او لومړۍ الوتنه د سې شنبې پر سهار د جون پر نهمه چې حاجيان یې لېږدول په تهران کې ښکته شوې ده.

    پر ایران د اسرائیلو له غچ اخيستونکو بریدونو وروسته په تهران کې د امام خميني هوايي ډګر ته الوتنې لغوه شوې وې.

    د یاد هوايي ډګر مرستیال جواد صالحي د دوشنبې په ورځ د الوتنو د بیا پیلېدو اعلان وکړ او ویې ویل چې د حاجیانو لومړۍ الوتکه د امام خمیني هوايي ډګر کې راښکته شوې ده.

14. ۱۹ غبرګولی ۱۴۰۵ - ۹ جون ۲۰۲۶نتنیاهو ته د ټرمپ خبرداری: ښايي ژر د ایران پر وړاندې یوازې شئ

    

    د عکس سرچینه، Reuters

    د امریکا ولسمشر ډونلډ ټرمپ د اسرائیلو لومړي وزير ته خبرداری ورکړی چې که تاوتریخوالی دوام وکړي، اسرائیل به ښايي ژر د ایران پر وړاندې يوازې پاتې شي.

    ټرمپ د اسرائیلو کانال ۱۲ ته ويلي، "ما بي بي [بنيامين نتنياهو] ته وويل چې په خپلو کړنو کې محتاط و اوسئ، ځکه تاسو ژر د ایران پر وړاندې يوازې کېدلی شئ".

    د يادې رسنۍ په وینا، ښاغلي نتنياهو پر ایران د برید په اړه خپله پرېکړه تر وروستي پړاو پورې د امریکا له ولسمشر سره نه وه شريکه کړې.

    د کانال ۱۲ په وینا، ښاغلي ټرمپ د يکشنبې په ورځ د اسرائیلو له لومړي وزير وغوښتل چې د ایران پر وړاندې له غچ اخیستونکو بریدونو ډډه وکړي.

    د راپور له مخې د دواړو مشرانو خبرې اترې له کومې موافقې پرته پايته رسېدلې وې او ښاغلي نتياهو د خبرو پر مهال ټرمپ ته د خپلې وروستۍ پرېکړې په اړه معلومات نه وو ورکړي.

    د راپور له مخې بنيامين نتنياهو وروسته د امریکا د بهرنيو چارو وزير مارکو روبيو ته پر ایران د برید په اړه د خپلې پرېکړې خبر ورکړی و.

    د کانال ۱۲ سره په مرکه کې ښاغلي ټرمپ ادعا کړې وه چې توانېدلی د "برید کچه کمه کړي".

    له کړکېچونو سره د مبارزې لپاره د واشنګټن او تل ابيب تر منځ د نظر اختلاف ليدل کېږي. ټرمپ په وروستيو ورځو کې په وار وار ټينګار کړی چې نه غواړي د ایران او اسرائیلو تر منځ شخړه په بشپړه جګړه بدله شي او باور لري چې دا ډول وضعيت کولی شي له ایران سره موافقې ته د رسېدو هڅې له منځه يوسي.

15. ۱۸ غبرګولی ۱۴۰۵ - ۸ جون ۲۰۲۶ټرمپ بي بي سي ته: که له نتنياهو کومه غوښتنه وکړم، ترسره کوي یې

    

    د عکس سرچینه، Reuters

    د بي بي سي د شمالي امریکا خبریالې سارا سمېت د امریکا ولسمشر ډونلډ ټرمپ سره ټليفوني خبرې کړې او د اسرائیلو له ولسمشر سره د هغه د پرونيو خبرو په اړه يې پوښتلی دی.

    د هغه پوښتنې په ځواب کې چې ایا نتنياهو د يکشنبې په ورځ پر ایران د توغنديو برید سره پر ایران د نه برید کولو غوښتنه رد کړې، نوموړي وويل، "نه، نه، توغندي لا دمخه توغول شوي وو. دوی لا دمخه پر لاره وو."

    هغه زياته کړه، "که زه هغه ته ووايم چې يو څه وکړي، هغه یې کوي".

    ټليفوني خبرې له يوې دقيقې لږ دوام وکړ.

    سارا سمېت له ښاغلي ټرمپ وپوښتل چې پر ایران د بریدنو درولو لپاره یې نتنياهو ته څه وويل؟

    "ما یوازې دا وویل چې موږ باید عقل او منطق وکاروو. موږ د یوهخورا قوي، خورا ښه تړون لاسلیک کولو ته نژدې یوو. له اټومي وسلو پرته او هر څه پرته."

    نوموړي زياته کړه، "تاسو پوهېږئ، موږ باید له ډېر عقله کار واخلو. هرڅه سم وو."

    د امریکا د ولسمشر دا څرګندونې په داسې حال کې کړې چې هغهپه ​​دې وروستیو ورځو کې په وار وار د ایران او اسرائیل ترمنځ د تاوتریخوالي د زیاتېدو د مخنیوي په اړه خبرې کړې دي، او ټینګار یې کړی چې هغه نه غواړي نوې شخړې لهایران سره د موافقې رسېدو لپاره روانې خبرې اترې له ګواښسره مخامخ کړي.

16. ۱۸ غبرګولی ۱۴۰۵ - ۸ جون ۲۰۲۶د اسرائیلو پوځ د جنوبي لبنان له اوسېدونکو غوښتي چې له سيمې ووځي

    د اسرائیلو پوځ د جنوبي لبنان اوسېدونکو، په ځانګړې توګه د "زقوق المفدي" سیمې اوسیدونکو ته "بېړنی خبرداری" ورکړی، او له هغوی یې غوښتي چې خپل کورونه پرېږدي او د شمال پر لور ولاړ شي.

    د اسرائیلو د پوځ د عربي ژبې ویاند، اویخای ادرعي، پرټولنیزه شبکه اېکس لیکلي، "د ترهګرې ډلې حزب الله لخوا د اوربند د تړون له سرغړونې وروسته، اسرائیلی پوځ اړ دی چې په زور سره عمل وکړي. د اسرائیلو پوځ اراده نلري چې تاسو ته زیان ورسوي."

    هغه همداراز خبرداری ورکړی، "هر هغه څوک چې د حزب الله ځواکونو، د هغې تاسیساتو، یا د هغې جنګي تجهیزاتو او تاسیساتو ته نږدې وي خپل ژوند په خطر کې اچوي."

    په ورته وخت کې، ایران ويلي چې د اسرائیلو په وړاندې پوځي عملیات یې بند کړی خو خبرداری یې ورکړیچې که پر لبنان بریدونه دوام وکړينو دوی به ډېر سخت ځواب ورکړي.

17. ۱۸ غبرګولی ۱۴۰۵ - ۸ جون ۲۰۲۶نتنیاهو وايي، 'د اوس لپاره' پر ایران بریدونه بندوي

    

    د عکس سرچینه، AP

    د اسرائیل لومړي وزیر بنیامن نتنیاهو په یوې ټلویزیوني وینا کې ایران او حزب‌الله تر بل هر وخت کمزوري وبلل او په وینا یې، اسرائیل اوسمهال پر ایران بریدونه درولي، خو په خبره یې له دوی سره جګړه لا پای ته نه ده رسېدلې.

    هغه زیاتوي چې که له ایرانه پر اسرائیل بیا هم نور بریدونه وشي، حکومت به یې په کلکه ځواب ورکړي او د خپل ځان د دفاع حق به وکاروي.

    نتنیاهو دغه راز د امریکا د ولسمشر ټرمپ سره خپلو خبرو ته اشاره وکړه، چې ویل کېږي د یکشنبې له ورځې راهیسې د بریدونو له پیل وروسته یې ورسره خبرې کړې دي.

18. ۱۸ غبرګولی ۱۴۰۵ - ۸ جون ۲۰۲۶په لوېدیځه غاړه کې د توغندیو لګېدو له کبله زیان اوښتی

    موږ له رویټرز خبري اژانسه داسې تصویرونه ترلاسه کړي، چې د اشغال شوې لوېدیځې غاړې په اسرائیلي مېشت ځایونو کې پر یوه ودانۍ د توغندیز برید له کبله اوښتی زیان ښيي. دا له هغه وروسته ده، چې ایران د اسرائیل پر مرکزي او سویلي برخو د توغندیو ګوزارونه وکړل او اسرائیل وايي، د دې توغندیو مخه یې نیولې ده.

    

    د عکس سرچینه، Reuters

    

    د عکس سرچینه، Reuters

    

    د عکس سرچینه، Reuters

19. ۱۸ غبرګولی ۱۴۰۵ - ۸ جون ۲۰۲۶دپاکستان لومړي وزیر له ټولو غاړو د زغم غوښتنه کړې

    د پاکستان لومړي وزیر شهباز شریف د منځني ختځ جګړې کې ښکېلو غاړو باندې غږ کړی چې " له زغمه کار واخلي په ځانګړې توګه په داسې حال کې چې وروستي هدفونه ترلاسه کېدونکی دي".

    پر ایکس یو پیغام کې شهباز شریف ویلي دی" تاوتریخوالي کې وروستي زیاتوالي وښودله چې " نازک اوربند سره څومره ګواښونه شته او دا څومره د درنو تاوانونو سبب کېدی شي".

    پاکستان د امریکا او ایران ترمنځ یو له مهمو منځګړودی. د واشنګټن او تهران ترمنځ د خبرو یو پړاو د اپريل په میاشت کې اسلام اباد کې ترسره شوی و.

    

    د عکس سرچینه، EPA

20. ۱۸ غبرګولی ۱۴۰۵ - ۸ جون ۲۰۲۶وروستی, د اسرائيل رسنۍ: اسرائيل د ټرمپ په غوښتنه پر ایران بریدونه دروي

    د اسرائيل چېنل-۱۲ رسنۍ د دغه هېواد د ځینو لوړپوړو چارواکو له خولې خبر ورکړی چې اسرائيل د "ټرمپ په غوښتنه" پر ایران بریدونه دروي.

    په رپوټ کې ویل شوي چې که حزب الله پر اسرائيل بریدونه وکړي نو په جنوبي لبنان کې به حملې روانې وساتي.

    په اسرائيلو او امریکا دواړو کې ځينو رسنیو دا خبر هم ورکړی چې ښاغلي ټرمپ او بنیامین نتنیاهو پر ټلیفون خبرې سره کړې دي. خو د دې خبرو جزیات تر اوسه نه دي خپاره شوي چې دوی پر څه سره غږېدلي دي.

    تر دې وړاندې ایران هم پر اسرائیل د بریدونو د پای ته رسولو اعلان وکړ خو ویې ویل چې که اسرائيل حملې روانې وساتي نو "تر پخوا به سخت او ځواکمن" ځواب ورکړي.

    وړاندې ډونلډ ټرمپ له دواړو خواو غوښتي وو چې پر یوه بل "ډزې" ودروي او ویلي وو چې ګواکې ایران او اسرائيل د "بېړني اوربند" تکل لري.