Vladimir Putin na Xi Jinping bahuriye i Beijing nyuma y'iminsi Trump ahagiriye uruzinduko
Ahavuye isanamu, Reuters
Perezida w’Uburusiya Vladimir Putin ari mu nama i Beijing na Perezida w’Ubushinwa Xi Jinping, nyuma y’iminsi Perezida w’Amerika Donald Trump ahagiriye uruzinduko.
Uru ni rwo ruzinduko rwa mbere Putin agiriye mu mahanga muri uyu mwaka – ibigaragaza ukuntu Ubushinwa bwahindutse ingenzi cyane ku Burusiya bwarushijeho gushyirwa mu kato, nyuma y’intambara bwashoje kuri Ukraine guhera mu 2022.
Ubushinwa ni bwo bwa mbere mu kugura ibikomoka kuri peteroli byinshi cyane by’Uburusiya ndetse ni n’inshuti ikomeye y’Uburusiya nubwo Uburusiya bwafatiwe ibihano n’ibihugu byo mu burengerazuba bw’isi.
Putin araba ashaka gushimangira umubano. Mu ngingo z’ingenzi ziganirwaho haraba harimo umuyoboro mushya ushobora kugeza mu Bushinwa umwuka (gaze) kamere ugera kuri metero kibe (m³) miliyari 50.
Putin yiyongereye ku rutonde rurerure rw’abategetsi bamaze kwerekeza i Beijing muri aya mezi ya vuba aha ashize kugira ngo bakorane ubucuruzi kurushaho n’Ubushinwa.
Izindi nkuru wasoma:
