Amwe mu mafoto yaranze Africa muri iki cyumweru

Kylian Mbappé akikijwe n'abashinzwe umutekano bo muri Cameroun, abo mu muryango we n'abakunzi be

Ahavuye isanamu, Daniel Beloumou Olomo/AFP

Insiguro y'isanamu, Umufaransa w'icyamamare mu mupira w'amaguru, Kylian Mbappé, ku wa mbere yakiriwe nk'intwari ubwo yasuraga icyaro se avukamo cya Ile Djébalé muri Cameroun.

Umunyarwanda akaba n'Umunya-Scotland Ncuti Gatwa arimo kwifotoza

Ahavuye isanamu, Justin Tallis/AFP

Insiguro y'isanamu, Ku wa gatatu, i London mu Bwongereza, Umunyarwanda akaba n'Umunya-Scotland (Écosse) Ncuti Gatwa yifotoreje mu gikorwa cyo kumurika filime.

Abagore bo mu gace ka Mathare i Nairobi muri Kenya, bagerageza guhunga imyuka iryana mu maso yarashwe na polisi

Ahavuye isanamu, John Muchucha/Reuters

Insiguro y'isanamu, Ku wa gatatu, polisi yari irimo guhashya abigaragambya mu bice bitandukanye bya Kenya bamagana izamuka ry'imisoro n'igiciro kiri hejuru cy'imibereho. Nibura abantu 13 byemezwa ko bapfuye kuri uwo munsi waranzwe n'urugomo.

Ahavuye isanamu, Moto Yoshimura/Getty Images

Insiguro y'isanamu, Mu Bufaransa, uyu Munya-Cameroun Valentin Ndzana yahatanye mu gusimbuka urukiramende mu mikino ya shampiyona yo ku rwego rw'isi y'abafite ubumuga

Ahavuye isanamu, Gian Ehrenzeller/EPA

Insiguro y'isanamu, Ku wa gatandatu, umuhanzi w'Umunya-Nigeria Wizkid yasusurukije abafana be mu iserukiramuco mu Busuwisi.

Ahavuye isanamu, Fathi Nasri/AFP

Insiguro y'isanamu, Aba bana barimo gukina, nyuma yo guhunga urugomo rushingiye ku ivanguramoko rwo mu mujyi wa Sfax muri Tunisia, aha bahungiye mu gace gatekanye ko muri Tunisia karinzwe n'abasirikare kari ku mupaka na Libya. Perezida wa Tunisia yashinjwe kwenyegeza ubushyamirane bwagejeje ku bitero byabaye henshi muri icyo gihugu byibasiye abimukira bakomoka muri Afurika yo munsi y'ubutayu bwa Sahara.