Bu David Tress yn byw yn Sir Benfro ers 1976, a thirwedd y rhan hon o Gymru yw testun llawer o'i baentiadau a'i ddarluniau.
Dywed fod ei waith " yn ymwneud â fy mherthynas tymor hir â'r tirlun". Fe'u nodweddir gan liwiau sy'n atsain, dull beiddgar sydd eto'n sensitif o drin ei gyfrwng, a rhyddid yn ei ddehongli sy'n deillio o'i ymwneud â haniaeth o'r blaen. Yn ei waith, mae nodweddion digyfnewid y tirwedd yn cael eu trawsnewid gan gasgliad o elfennau anghyffwrdd gwynt, unigedd a swn y môr.
Yn fwy na dim maent o faint a grym sy'n gawraidd o'u cymharu â manion bywyd bod dydd.
Nid yw ei dirluniau'n dangos olion llafur dynol ac nid ydynt chwaith yn fannau ar gyfer gweithgaredd dyn. Maent yn ymwneud yn hytrach â'r grymoedd mwy sy'n llunio'r tir ac yn cynhyrchu ansawdd golau sy'n newid yn barhaus.
