Ma f'ymgyrch Dathlu'r Nadolig yn Gynnar (oes rhywun yn gallu meddwl am enw mwy catchy??) yn mynd o nerth i nerth... Mae'n debyg bo cantîn y BBC wedi dechre gwerthu mins peis yn barod! (Diolch i Iwan C2 Bangor am y llun!)
A heeeeefyd - edrychwch ar y goeden Nadolig ANFERTH sy tu fas Canolfan y Mileniwm yng Nghaerdydd. Da iawn Mr Ian Cottrell am sylwi arni ac anfon y llun draw! Gyda llaw - Ian fydd mewn yn cyflwyno ar c2 nos Lun am 8 - pawb i wrando - fydd e'n fab!
Cyn fi fynd - just ise dweud pob lwc i Huw S a'r bandiau gyd sy'n chware yng Ngŵyl Sŵn dros y penwythnos. Mae'n mynd i fod yn ŵyl i'w chofio ac os ellwch chi fynychu cwpwl o gigs neu ddigwyddiadau erill sy'n cael eu cynnal, dwi'n argymell yn gryf i chi neud. Mmmm… sgwn i os fydd Llwybr Llaethog yn fodlon chware chunes Dolig yn gig C2 yng Nghlwb Ifor Bach nos Sadwrn???
Hellloooo chi…
Allai ddweud jiolch yn dalpie i Bethan Griffiths, Taid a gweddill criw UMCA am y croeso gethon ni yn y Ddawns Ryng-golegol dros y penwythnos. Ges i a Glyn a Robin amser gwych yn Aberystwyth. Roedd y bandiau yn arbennig o dda - or cynta - Amheus i'r ola' - Sibrydion. Roedd hi'n gig a hanner. Nath Derwyddon set gwych ond band y noson i fi oedd Yr Ods - ma nhw'n mynd i fod yn fawr!
Gethon ni lot o hwyl yn y grîn-rwm hefyd. Gyda Robin C2 a Fflos o Sibrydion yn cael cystadleuaeth "pwy sy'n gallu dal eich llaw mewn bwced o iâ am yr amser hiraf" ac Amheus, Derwyddon a Plant Duw yn cael cystadleuaeth taflu pizza. Roc-a-Rol!
Helo helo. Sili bili Stephens sydd yma eto (falle nai gadw hwna fel enw dj newydd i fi? Falle ddim), gyda fy mlog.
Gyda gŵyl Sŵn yn digwydd ar y penwthnos yng Nghaerdydd mae lot o drefnu i neud - dros 120 o fandiau, llwythi o leoliadau ag ati. Mae popeth yn dod at ei gilydd.
Os chi yng Nghaerdydd ar y penwthnos a methu dod i un o'r gigs, ewch i weld y celf! Mae am ddim, gyda arddangosfa Bandit llawr top marchnad Jacobs (bwys y gwesty nath losgi lawr bwys steshon trens Caerdydd). Mae gwaith celf gwych Jon Clee, artist y Green Man fuodd farw eleni, yn g39 (ar Mill Lane) a wal enfawr Pete Fowler yn Chapter yn ardal Canton y ddinas. Fydd hwna lan tan Ionawr. Pete sy'n gneud y bwystfilod gwych yna ar gloriau Super Furry Animals.
Es i weld SFA wthnos dwytha yn Llunden. Gig gwych a llwyth o ganeuon oni heb glywed ers hir fel She's Got Spies a Keep the Cosmic Trigger Happy!
Tan toc
H
Y newyddion diweddaraf am gerddoriaeth, gigs, artistiaid a mwy gan griw C2. 