Charlie Chaplin (16 Ebrill, 1889)

Mae Charlie Chaplin yn cael ei gydnabod fel un o'r eiconau mwyaf pwysig yn y diwydiant ffilm, a ddylanwadodd yn fawr ar ddatblygiad adloniant poblogaidd ar ddechrau'r 20fed ganrif.

America 1910-1929

Bu cyfnod o newid mawr yn niwylliant a chymdeithas America rhwng 1910 a 1929. Y sinema oedd y datblygiad mwyaf cyffrous yr adeg yma. Cafodd y sinema ddylanwad ar bobl mewn nifer o ffyrdd - o ran ffasiwn a'r ffordd roedden nhw'n ymddwyn.

Roedd gan bob tref fechan sinema a byddai nifer fawr o Americanwyr, gyda mwy o amser hamdden ac ychydig o arian cyflog dros ben i'w wario oherwydd newidiadau mewn patrymau gweithio, yn mynd yno sawl gwaith yr wythnos am ei fod yn weddol rhad.

Yn ystod y 1920au cynnar roedd pob ffilm yn ddi-sain. Arferai sinemâu gyflogi cerddorion i ganu'r piano neu organ drydan yn ystod y ffilmiau.

Ymddangosodd Charlie Chaplin mewn llawer iawn o ffilmiau yn y cyfnod hwn, a daeth yn un o sêr cyntaf y byd ffilm yn Hollywood.

Daeth ei gymeriad 'The Little Tramp' yn ddelwedd adnabyddus ar draws y byd, a ddaeth a'r actor i enwogrwydd byd-eang, na welwyd byth o'r fath o'r blaen.

Ffeithiau am Charlie Chaplin

• Cafodd ei eni yn Llundain ar 16 Ebrill, 1889.
• Sylfaenodd y cwmni ffilmiau United Artists gyda Mary Pickford a Douglas Fairbanks yn 1919.
• Serenodd mewn ffilmiau di-sain yn cynnwys The Tramp (1915) a The Kid (1921).
• Roedd yn ysgrifennu, cyfarwyddo, cynhyrchu, golygu, a chyfansoddi'r gerddoriaeth ar gyfer y rhan fwyaf o'i ffilmiau.