Bliadhna nan ÒranYear of Song

Sibhs' tha mach à Crìosd
Tha suaimhneach nar cadal;
Nach dùisg sibh gu ur ciall,
'S an t-sìorraidheachd cho fada.

Ma tha thu mach à Crìosd
Tha thu gun dìon, gun fasgadh,
Fosgailt' do gach gaoith
Mar maoidhean sgaoilt' sa mhachair.

'S mas sèid ort a' ghaoth tuath
Is grian dol sìos air d' fheasgar,
An dubhaireachd na h-oidch'
Cha reicear ribh an ola.

Anam thig air chuairt
A-null gu àit' na claiginn;
'S mur tuig thu dè bhios ann
Nach suidh thu sìos ri 'g amharc.

E 'g òl cupan na feirg'
Le òrdugh teann bhon Athair
Gu toileach airson a' chlann
Air crann 's a' cheann ri cromadh.

'S e chuireas fàinn' mud mheòir
'S brògan mu do chasan
'S e bheir dhut coron gràidh
'S cha tilg gu bràth a-mach thu.